Oshitukulwa shaHangwena osha lopota oibofa 149 yomakwatonghonga osho yoo oibofa itano yeenghendabala domadipao e na ekwatafano nomahepeko oukashikekookanhu pokati kaJanuali naSepeteba neudo.
Ouyelele ou owa etwa poluhaela kukakutu komatanga opolifi moshitukulwa shaHangwena, komufala Ottilie Kashuupulwa mEtitatu.
Kashuupulwa okwa ti oshitukuklwa shaye osho sha li pombada noibofa yomakwatonghonga muFebuluali, noibofa 25, ovanhu 14 va mangwa navakwao 11 inava mangwa po natango, omanga muAguste okwa li shi li pedu nomakwatonghonga e li 12, omo vahetatu va tulwa moipandeko novafekelwa vanhee inava mangwa natango. “Opolisi oye shi pondola okumanga ovafekelwa 98 shi na shga nekwatafano loibofa ya nyika omakwato keenghono navatano moibofa yeenghendabala dedipao,” ta ti.
Kashuupulwa okwa weda po yoo kutya oibofa 15 I na yeahameko kolutu osho yo yokuningila ounona omambadameko, omo ovafekelwa 13 va kwatwa fiyo opa pa.
Kashuupulwa okwa ti opo ku kondjifwe oshikumungu shomahepeko oukashikekookanhu nomakwato keenghono, Kashuupulwa okwa tumbula kutya ottava ka ninga oikonga ya kwata moiti yehongo op ova yandje ouyelele koshiwana nghene ve na okutaalela omashongo oo.
Okwa weda po yoo kutya ottava talela po eefikola, ovaleli vopamifyuululwakalo nokuninga omapekaapeko omoule op ovafekelwa ovo inava kwatwa va ditikwe. –Nampa