UUVUDHIYA – Eenhele dimwe moshitukulwa shaMusati, oda li da tungilWa eetenga domeva kepangelo, unene tuu ava va ama kombinga ei yambuwa.
Omupeduwiliki mounisteli womidingonoko neefuka Rehabeam Erckie okwa ti ovakwashiwana vahapu ve li moshikandjohoololo shaMpundja mombuwa mOmusati, nove liameka kombinga ei yEtosha otava mono oixuna kookahenge.
Erckie okwa ti eendjaba vati ohadi fimbula omeva oo haa kala e li meetenga ngeenge tadi ya, ile da topa komutenya.
Okwa twikila kutya moshituklulwa omu na eetenga da tungilwa ovakwashiwana kepangelo, doo tadi pewa nee omadina e li meenomola. Eendjaba vati ode liteyela nee peetenga dopo7 ndele tadi fundaula mo ominhino adishe da li dokupitila omeva,” Erckie ta ti.
Okwa twikila kutya oda fiya vati ovanhu vomomukunda oo nenota shaashi kave na apa tava nu molwominino da fundaulwa po.
“Namwater ile keshe tuu ou e na oshisho shokuyandja eetendela dokufa omikangha, nava kale hava fele ominino davo medu oule weemeta dile opo oinamwenyo ihe di fundule mo,” ta tumbula.
Erickei okwa tumbula kutya oifitukuti vati oya li ya tungilwa eemboola domeva opo i xupifwe kenota, ashike omeva vati oku na oshimongwa, shoo osho hai ende tai kongo omeva aa inaa lula.
Okwa ti yoo eendjaba ihadi piyaaneka ashike ominino domeva, vati natango oda mana okuteya nokutatatula po eetenga domeva momukunda.
“Ngeenge otwa i momufitu omu na ashike onduba yeendoloma deetenga da tataulwa keendjaba, inadi lopotwa ashike,” ta tumbula. “Ngoloneya woshitukulwa shaShana Elia Irimari okwa ti ekemo lovakwashiwana ote ke li tula moilonga opo ovakwashiwana va kwafelwe apa tapa dulika.
Okwa yandja yoo omaliudo aye onai ovanhu tava nyenyeta omeva, omanga ve na eetenaga tadi efa omeva ndele ova mwena ashike.
“Ovakwashiwana nava tameke yoo okulopota eetenga oshoyo eepomba domeva edi di li mo da teka kuNamwater, oshoyo oovene vomikunda opo va dule okuvatelwa,”