Ovakalimo komukunda Omaadi moshitukulwa shaHangwena ovakumwifwa koshiningwanima omo oikombo iheyali ya dipawa keima lihe shivike.
Otaku hokololwa kutya oikombo aishe oya hangika ina eembululu keembuda nomatwi okwa lika ko.
Oshiningwanima osha ningwa moshikandjohoololo shaNgela moshitukulwa shaHangwena Osoondaxa efimbo loufiku.
Omupopiliko wopolifi moshitukulwa shaHangwena Warrant Andreas Nghiyolwa okwa hokolola ta ti oikombo oye li tuwa i li koshi yomuti efimbo longula.
Opolifi oya hokolola tai ti oikombo oya dja komaumbo a yooloka ashike oya hangika i li ponhele imwe koshi yomuti.
Ota ku hokololwa kutya oikombo ayeshe okwa li i li koinyongo yomaumbo aatatu.
Omido da pita koshitukulwa shaHangwena okwa lopotwa natango oshiningwanima sholudi eli omo natango oikombo imwepo kwa li ya dipawa keima lihe shivike.
Opolifi oya kumaida oshiwana opo shi ha lya ombelela yoikombo ya dipawa keima lihe shivike.
Oshiwana osha kumaidwa opo shi kale alushe sha i dila omivelo deendada davo dokunangala.