Auleria Wakudumo 

Omuameni woikundaneki John Nakuta okwa holola kutya ongudu yoSwapo opamwe nomuulikwapresidente wayo, Ne tumbo Nand i – Ndaitwah ovo unene va landulwa kovatoolinghundana vahapu nokupewa olopota okudja koikundaneki ya yooloka okudja muJuli fiyo omuSepeteba. 

Nakuta eshi okwe shi holola momutumba omutitatu wokuyandja olopota ya nghene ovatoolinghundana va lopota oinima ya pamba omahoololo okudja muJuli fiyo omuSeptemba. 

Swapo oye a mona vati olopota ihapu yovatoolinghundana, taku shikula o-PDM, NEFF te ya poutitatu oshoyo IPC oyo ya ka ninga eenghono okudja muAguste fiyo omuSepeteba. 

“Eengudu dimwe ngaashi Swanu, Nudo, no-AR oda mona olopota inini,” Nakuta ta ti. 

Ovaulikwa okudja keengudu da yooloka, vati omuulikwa wongudu yoSwapo Netumbo Nandi- Ndaitwah oye e li monomola yotete, ta shikulwa komuulikwa wongudu yo-AR Job Amupanda, oo kwa li oye wotete muJuli naAugust, Bernadus Swartbooi wongudu yo-LPM naye okwa lopotwa kovatoolinghundana vahapu. Natango, Panduleni Itula wongudu yo-IPC okwe ya okumona olopota okudja muAguste naSepeteba. 

“Swapo okwa mona olopota ihapu okudja keeradio da yooloka nominute 91, osho yo ominute 44 okudja ko-TV,” Nakuta ta ti. 

Nakuta okwa shiivifa yoo kutya olopota koifokundaneki oya li ya diininwa okudja kuJuli fiyo Sepetemba okudja koNew Era, Namibian Sun noThe Namibian. 

PDM vati oye ya poutivali moifokundaneki, omanga NEFF a mona olopota ii molwaashi ongudu ya li ya kufwa mo momahoololo nokushunwa mo. 

“Swanu, Nudo, no-AR nado oda mona olopota ii koifokundaneki molwomakondjifafano meengudu davo,” Nakuta ta ti. 

Nakuta okwa ti ove wete eelopota dihapu okudja koikundaneki ya yooloka. 

“Ovatoolinghundana otava longo noudiinini, ve li mokashoko eengudu da yooloka, opo va shiivifile oshiwana,” Nakuta ta ti. 

Natango olopota otai holola omwaka pokati kol opot a yovalumenhu novakai nhu mopolitika omo ovakulukadi natango va pumbwa va pewe omhito opo va mone olopota ihapu kovatoolinghundana. 

“Natango otu wete olopota yovakulukadi ishona ngeenge tashi ya kokulopota ovakulukadi ava tava kufa ombinga momahoololo. Ondi wete kutya natango ope na osho sha pumbwa okuningwa kovatoolinghundana,” Nakuta ta yelifa. 

Omupopi l iko woproyeka yokutalela omahoololo, Christie Keulder okwa ti vati kapa li okatongo pokulopota kovatoolinghundana. 

“Ngeenge ongudu kai na omhangela ngeenge tashi ya komahoololo, ovatoolinghundana  ohava tondokele keengudu odo di na exuku li li kouyelele,” Keulder ta fatulula. 

Ovatool i nghundana ova kunghililwa va twikile nokutoola eenghundana, tave shi ningi pauyuuki nopashili. 

wakudumoauleria@gmail.