Minista wouhaku nonghalonawa Dr Esperance Luvindao okwa yandja ouyelele moshiwana oo wa li wa eta engwangwano moshiwana, shi na sha novanashilonga ava ve na oukalata vopaumwene vedina PSEMAS va kale tava pangwa koipangelo yepangelo ponhele yokuya kopaingelo yopaumwene. 

Ouyele ou owa li wa e ta omalipulo ahapu moshiwana, osho yo komalungula kutya eshi ouminitesli wa hala ovanhu va ka pangwe koipangelo yepangelo, yo ihai kala nomiti otashi ningwa ngahelipi. 

Oshiwana natango osha li yo sha lulilwa kutya ngeenge ovakwashiwna ava hava longele epangelo otava ka kala hava pangwa koipangelo yopaumwene, yo oilyo yopamutumba wopashiwana, osho yo ovanambelewa vakula vepangelo, navo oko ngoo tava kala hava pangwa koipangelo yepangelo ile yo otai ningwa ngahelipi? 

Luvindao okwa yelifa kutya keshe omunhu e na okakalata ko-PSEMAS, oku na okukala ha pangwa koshipangelo shepangelo okudja mu 1 Apilili 2026. 

“Ngeenge omukulupe oha dulu okudja komukunda ta i koshipangelo shepagelo a ka konge ouhaku ndele oha pewa ashike ekwafo le lixwa po, oshike tashi imbi minista a ha ye ko, yee oye ha longele epangelo? 

Ngeenge ohatu yandje omakwafo kovanhu ndele fyee ohatu a faduka po, hawo oukumwe oo,” ta ti. 

Okwa twikila kutya ouministeli owa kuta ovanhu, omo nokuli ovapangi ve li 1 262, mwa kwatelwa neendokotola da tameka nale oilonga. 

Kombinga yoshikumungu shomiti eshi natango sha limbililika ovakwashiwana, epangelo paife ola eta po omulandu upe wokulanda omiti lo vene, pehe na vali ovapewi veetendela pokati, nonghee omhumbwe yomiti itai ka kala oshimbide sha sha,” ta ti. 

Luvindao okwa twikila kutya kombinga yoikwanoipangifo ngaashi omashina a kula aa haa pumbiwa okukonakona oinima ya yooloka, eembete dopashinanena naikwao ya wedwa po oyo hai pumbwa okulongifwa meesaala, noi li metifa lokulandwa nale. 

Omatungo aa a kulupa, osho yo oyeendifo koipangelo ya yooloka nayo oi li metifa lokulandwa nokuwapalekwa. 

Natango ediladilo lokunenepeka oipangelo ei hai tambulilwa ovanaudu nalo opo nale lili. 

Oipangelo ei inene moshilongo yateelelika ika tamekwe nayo moku yandja omakwafo aa manga shaashi ohai yakula omwaalu wovanhu vahapu ongaashi Windhoek Central, Katutura Intermediate, Rundu, Keetmanshoop, Oshakati, Walvis Bay, Swakopmund nOnandjokwe. 

Luvindao okwa twikile kutya ota pu ka kala yo p ena elandulafano la nuninwa ovanashilonga vakale va pangwa meendelelo oo vadule oku shuna koilonga vaka wanifepo oilonga yepangelo. 

-taimihaihambo2000@gmail. com