Minista woukashikekookanhu nonghalonawa yokaana, Doreen Sioka okwa anya kutya ouministeli ota u ka yandja oshimaliwa kovakwashiwana okudja peedula 18-59 ngaashi shili ta shi popiwa noshe li hanena omalungula.
Onghundana oyo yeli hanena oshilongo ota i ti kutya omudo omayovi 2025 ota u ka kala odula oyo Ovanamibia vahapu okudja peedula 18 fiyo 59 vehe na oilonga tava ka pewa oshimaliwa tashi ifanwa Basic Income Grand (BIG).
Okudja omudo oprogramma yoFood Bank ya totwa (2013), ya totwa komupresidente paife nakufya, Hage Geingob koshi yoHarambe Prosperity Plan okupitila mouministeli woukwashikekookanhu nonghalonawa yokaana, epangelo ola kala noku kwafela oshiwana okulongifa omikalo da yooloka. Oprogramma yoFood Bank oya li ya totwa okukandula po oluhepo nodjala moshilongo, okupitila mokuyandja oikulya kwaava ve li momumbwe. Oprogramma yoFood Bank ka yali ashike tai kwafele oule wokafimbo kashona, ndele oya li ta i kwafele oulefimbo ngaashi emono loilonga lovakwashiwana ava veli momumbwe.
MuMai, 2022, omupelesidente Geingob okwa shiivifa kutya oprogramma yoFood Bank ota i shendje nota i ningi “conditional basic income grant”. Oko kutya oikulya kwali hai pewa ovakwashiwana omwedi keshe ota i pingafanwa noshimaliwa okudja poN$550 meumbo.
Nonande ongaho, ovakwashiwana ova ve li momumbwe ova mona nokutwikila okumona ekwafo loshimaliwa. Omalongekido aeshe okudja koprogramma ya fya po, okuya ko”conditional basic income grant” okwa enda nawa. Oshimaliwa osha tameka peedola N$550 meumbo.
“Oshimaliwa osha enda tashi wedelwa okudja poN$500, N$600 fiyo N$700. Omwaalu wovakwashiwana owa enda yoo ta u i pombada. Sioka okwa ti paife ovanhu veli 8 000 nasha ohava mono oshimaliwa. Ovakwashiwana hava mono ekwafo eli okwa denga omufindo kutya ovava ve li momumbwwe”.
Sioka okwa yelifa kutya epangelo ita li ka yandja vati opeendjela kovakwashiwana avashe shi li komalungula ndele ota li ka twikila okuweda ko komwaalu wovanhu ovo hava mono ekwafo lopashimaliwa molwa onghalo omo veli. Okwa ti “epangelo ota li ka enda kashona nakashona okudja modula ta iya oku wedako komwaalu.”