EENHANA – Minista wehongo lopombada Itah Kandjii-Murangi okwa ti oiputudilo yopaungomba otai dana onghandangala okuyandja ounongo kovanyasha nokuyandja eemhito doilonga.
“Osha fimana ngeenge ovanyasha tava ke li honga koiputudilo yopaungomba,” ta ti.
Edi Kandjii-Murangi okwe di popya Etitano pefimbo lepatululo pambelewa nolusheno leedjo doketango koshiputudilo Shoungoba shEenhana.
Mopaife ngaha oiputudilo yopaungomba oya tulwa olusheno leedjo loketango opo li longifwe okuyambula po oiputudilo.
Okwa ti ouministeli waye otau twikile okwaandjaneka oikwafifohongo komandiki opaungoba ayeshe moshilongo opo ovanyasha ve lihonge noupu nokupewa ehongo longushu.
“Elalakano lokutunga omandiki opaungomba moshilongo okuyandja
omhito kovanyasha ve li honge nokulongifa ounongo wavo,” minista ta ti.
Okwa ti omandiki opaungoba otaa lwifa ondjala noluhepo shaashi ngeenge omunyasha okwa mono ounongo ota dulu okutota po ongeshefa yaye noshoyo okuyandja eemhito doilonga kovanyasha vakwao.
Okwa ti epangelo otali twikile okutunga omandiki opaungoba
noshoyo eefikola shaashi okwa fimana moshilongo.