Okaana keedula 16 vati oka kwatwa onghonga nokupewa eteelelo komulumenhu ha longo meumbo lavo.
Oshiningwanima osha ningwa muJuni woneudo komukunda Iihanguti moshitukulwa shaMusati.
Omukulunhu koshikondo shokukonakona oimbuluma omupedu Commissioner Moses Simaho moshitukulwa shaMusati okwa hokolola ta ti okaana ka kwatwa onghonga oke li mondodo onhihamano.
Omufekelwa omukwashiwana waAngola e na omido 21 nokwa kwatwa po, ota holoka momhangu nena ta pangulilwa oshibofa shekwatonghonga.
Opolifi oya hokolola tai ti ekwatonghonga lounona ola hanya paife moshilongo unene tuu monooli.
Ounona voukadona ova ninga oihakanwa yovaneumbo vavo noshoyo kovashiinda shavo.
Ooina ova kwatwa koumbada kutya ounona vavo otava kwatwa onghonga ngeenge ve li momaumbo novalumenhu.
Opolifi onghee ngaa tai kumaida ovadali opo vaha fiye vali ounona momaumbo novalumenhu shaashi ovalumenhu vopaife ohava kwatwa komhepo yokuya moixulo nounona vashona.
fhamalwa@nepc.com.na