Auleria Wakudumo
Okaana keedula mbali oka xulifa sha dja eshi ka wila mondungu. Oshiningwanima osha ningilwa momukunda Oukango waShindjala mEenhana moshitukulwa shaHangwena lwopo19h00.
Omupopiliko wopolifi Deputy Commissioner Kauna Shikwambi okwa koleka oshiningwanima eshi.
Fillipus Tangomwene vati okwa li va landula ina nomukulu waye, omumwainamati oo ali aka shikula oikombo poushiinda.
Omanga vati ve li mondjila, Tangomwene okwa wila mondungu namumwaina okwa tondokela poushiinda aka konga ekwafo ashike ova hanga nale a xulifa.