Opolifi moshitukulwa shaHangwena otai konakona oshibofa shokaana keedula heyali oko vati ka kwatwa onghonga kuxekulu meumbo lavo.
Oshiningwanima eshi okwa li sha ningwa momafiku 28 omwedi wa djako komukunda Omunyekadi moshitukulwa shaHangwena.
Omupopiliko wopolifi moNamibia omupeduCommissioner Kauna Shikwambi okwa hokolola ta ti omufekelwa okwa ya monduda omu kwa li mwa nangala okaana ndele te ka kwata onghonga.
Vati omufekelwa okwa ningila okaana omatilifo kutya ote kadenge ngeenge oka lombwela ovaneumbo.
Vati ouyelele ou owe uya kombada eshi okaana kaka tameka ta kavele.
Omufekelwa ina kwa kwatwa po natango ashike omakonakono opolifi otaa twikile.
Oshiningwanima shikwao, omukainhu weedula 22 okwa kwatwa onghonga kukaume kaye pefimbo mOshakati mexuliloshivike.
Opolifi oya hokolola tai ti nakuninga oshihakanwa okwa li tava omalodu pamwe nomufekelwa konhele shomalihafifo yoCaribbean Park.
Vati eshi va topoka omufekelwa okwa landula omukainhu oo fiyo omonduda yaye ndele noku mu kwata onghonga.
Omufekelwa ina kwatwa po natango onghee omakonakono opolifi otaa twikile.
Oshiningwanima shikwao, omukainhu weedula 38 okwa nhukilwa komulumenhu pefimbo kwa li taende oufiku noku kwatwa onghonga.
Oshiningwanima osha ningwa molukanda Harambee modoolopa Karibib mexuliloshivike.
Omufekelwa vati okwa faduka po konima eshi a longa oshimbuluma eshi.
fhamalwa@nepc.com.na
Omupedu