Opolifi mositukulwa shaShana otai konakona oshibofa shokaana kokakadona keedula 10 vati ka kwatwa onghonga nokuendwa konima.
Oshiningwanima osha ningwa mexuliloshivike komukunda Onheilwa moshitukulwa shaShana efimbo lomutenya. Omupopiliko wopolifi moshitukulwa shaShana Warrant Frieda Shikole okwa ti pomudingonoko waNgwediva opu na omulumenhu mule a kwata ta nokunukila ounona voukadona noku va enda konima. Oshingiwanina shikwao, okaana keedula omuwoi oka kwatwa onghonga kumulumenhu ndele ta faduka po.
Oshiningwanima osha ningwa mexuliloshivike komunda Onamutai moshitukulwa shaShana efimbo lokomatango. Opolifi oya okwa hokolola ta ti okaana oka hangika ta ka ende mondjila na mukwao va tumwa omboloto kofitola.
Okudja opo vati omufekelwa okwa ufana ounona nokonima okwa nukila okaana ndele te ka kwata onghona. Ounona aveshe va ningilwa omunyonena wopaixulo ova twalwa koshipangelo opo va ka ningilwe omakonakono opaounamiti.
Opolifi oya kumaida oshiwana opo shi longele kumwe mokukondjifa omakwatonghonga momikunda davo. Ovadali ova kumaida opo va kale tava findikile ounona kofikola shaashi ounona ova ninga oihakanwa yokukwatwa onghonga.
fhamalwa@nepc.com.na