Okaana kokakadona keedula nhano vati oka kwatwa onghonga kokamatyona keedula 12 meumbo lavo. 

Oshiningwanima osha ningwa oshivike sha dja ko kolukanda Evululuko mOshakati efimbo longula. 

Omukulunhu koshikondo shokukonakona oimbuluma moshitukulwa shaShana omupedu komufala Fredrick Ndjadila okwa koleka oshiningwanima eshi. 

Opolifi oya hokolola tai ti okaana oka ya kuina ta ka ti okaluluma pokati komaulu. 

Otaku hokololwa kutya ina yokaana okwa lombwelwa komona kutya okamatyona okwe mu longela oushada. 

Opolifi oya nakuninga oshihakanwa ina dula okuyandja ouyelele welixwapo shaashi omushona nokupopya nawa. 

Okamatyona ina ka kwatwa po nomakonakono opolifi otaa twikile moshikumungu eshi. 

Okwa didilikwa ounona voukadona va ninga oihakanwa yokudanenwa koumatyona vambulavo, onghee opolifi oya kumaida ovadali opo va kotokele ounona vavo. 

-fhamalwa@nepc.com.na