OTJOMUISE- Okuteza nokuzemburuka ozondapo ozongoto yomwiimbura wa South Africa, omuyaruke Dan Tshanda, ngwaÞire omweze imBwi tjiyari yetano, ovature va Kakarara mavemuzemburuka po Tate Sammy’s Beer House 2 ndino motjihuro tjao.
Nohambwarakana yomuture auhe no N$100, ovature imba mbasuvera omizumbi vyomwiimbure ingwi, vasembamisa otjitjitwa pumapekara ovanyande vomuzumbi koviplate va Namibia peke peke pumavenyanda omuzumbu vyomuyaruke eyuva arihe nganduu kongurova pumapekongorere omuzumbi imbwi mbutjioukwa otjo Pantsula owo mbumaunyandwa iyovaimbure peke peke va Namibia. Samuel Petrus, wina ngutjiukwa otja Tate Sammy, nguri omuni woruze orutjate norutjiukwa indwi o Tate Sammy Beer House nduri mOkakarara, matja indji marire ongurova ndjihina maa izembwako. Dan watjata kovature va Kakarara okuza nokunyanda potjitjitwa tjomizumbi povitjitwa vyomaraisiro wovina womburaihe mOkakarara ombura ndjazuko. Tjingetjo ndiondi ngurova ponganda ongohe yomatenmba mo Katutura, indji o Tura, ndjari o Pamew, penondjozikiro ku Dana
Ngunda aperi nao tjiva vovatjaterwa novasuvere vomuzumbi we novemukognorere nai veri mo South Africa ndinondi pumavekara pombakero ye. Ondunge yo kukakara pombakero ya Dan yatumbukiro pomazemburukiro we Oritjatano ndazuko mOtjomuise metuwo romerinaneno ra Khomasdala. Dana wari omwiimburo womuzumbu wEvangeri mo South Africa narire omutjiukwa mouye puna otjimbumba ihi o Splash mozombura inda ndumazutiro mobmura indji o 1980 nu kombunda akarira omurimbuurire kuye omwini. Wakwaterwa mo Chiawelo mo Soweto naisa oskole aeri omuÞiÞi. Tjarira omunene pupayenene okuuta okuhinga, amunu ovyungura otjomuhinge womatemba omatoore wovandu movihuro. Tjingentjo wauta otjimbumba tje omwini, tjen o Flying Squad, tjitjapitisa omborongaenno yomaimburiro yena, Mr Tony mo 1985 kehi yonganda ombitise yozomborongaenno yomizumbi indji o Gallo. Ray Phiri wo Stimela wahura otjimbumba tja Dana navanga kutja tjirire otjimwiimburire nayandja ondunge yokutja tjitanaurire enaratjo mo Splash.
Kakutja tjandja nambano nai ondjira yaparanga nomivero vya paturuka kotuwondja twozombonronganeno yomizumbi tjimuna o Peacock (1986), Snake (1987), Money (1988), and Tshokotshoko (1989). Tjingetjo omahina yomizumbi indji okuzambo kainandu yakurama okupitisa ozombonganeno zomizumbi peke peke ombura aihe mozombura inda ndumazeutire mombura indji o 1990 mumuna omboronganisiro yomuizumbi ndji Eye For An Eye yo 1990, Why yo 1994, Cellular yo 1995 na Double Face mo 1997. Kombunda eye waisa o Gallo napitisa Crocodile mo 1998 kehi yonganda yomboronganisiro yomaimburiro indji o Bula, ngunda aehiuata onganda ye omwini, o Daloma. Tjingetjo kehi yonganda ye indji mawasurumuka ovimbumba tjimuna o Matshikos, Dalom Kids, Peacock nawina ingwi rutenga ngwari omwiibmure punaye, Patricia Majalisa, navarwe.