Festus Hamalwa
Omhangulilo yaMangestalata moTsumeb oya yandja elifutilomo loshimaliwa shoN$2 000 komumati womido 19 oo a li a kwatwa nepangwe longushu ili lwopoN$30 000.Eshi a holoka momhangu onghela Etine mangestalata okwa undulilwa oshibofa shomunyasha ou komafiku 13 Febuali momudo tau ya omanga ta ku ningwa omakonakono.
Nelson Baungue weedula okwa li a kwatwa po Etivali loshivike eshi, vati a hangika neepangwe li na ongushu yoN$27 400 molukanda Omashaka modoolopa yaTsumeb pefimbo opolifi tai ningi oshikonga shokulwifa oimbuluma.
Omupopiliko wopolifi moshitukulwa shaShikoto Inspector Ellen Nehale okwa hokolola ta ti omufekelwa okwa hangika ta ende e kwete onailona mu na epangwe ta ka landifa.
Opolifi oya kunghilila oshiwana opo shi kale a lushe tashi yandje ouyelele kopolifi kombinga yovanhu tava longifa ile hava landifa omapanwe shaashi ina a pitikilwa mo moshilongo.
Opolifi oya kunghilila yoo vali ovadali opo va kale tava popi nounona vavo momaumbo hava kale vali tava nu omapangwe shaashi osha nyika oshiponga ngeenge omunhu a nwa omapangwe eshi ha kale e na omhepo yokulonga oimbuluma.
fhamalwa@nepc.com.na