Okamatyona keedula 10 oka wila matale lomeva nokuxulifa pefimbo kwa li tava lifa navakwao.
Oshiningwanima eshi osha ningwa mexuliloshivike komukunda Okahongo moshikandjohoololo Uukwiyuushona moshitukulwa Oshana.
Nakufya okwa tongolwa oye Junior Penda Sheehama omukalimo womomukunda Okahongo.
Omupopiliko wopolifi moshitukulwa shaShana Inspector Frieda Shikole okwa hokolola ta ti okamatyona oka dja mo meumbo inaka lekela ovakulunhu nokuya kuvakwao ovo kwa li tava lifa.
Konima vakwao vati ova enda tava landula oimuna oimuna yavo noku fiya Sheehama a kalela etale.
Ounona vakwao eshi vaka aluka vati ova hanga nale ta ningine koshi yomeva – a eta ko ashike omutwe.
Opolifi oya hokolola tai ti oumatyona vakwao ova lotokela diva keumbo loSheehama nokushivifila ovadali vaye ashike eshi va ka fika petale ova hanga nale okamatyona ka xulifa.
Oshiningwanima shikwao, omukainhu weedula 25 okwa xulifa konima eshi a kwatwa kokashelu pefimbo kwa li a yaama odula motenda.
Oshiningwanima osha ningwa mexuliloshivike komukunda Onamangwena efimbo lokomatango.
Nakufya okwa tongolwa oye Fenni Kondo omukalimo wokomukunda Onakamwandi.