WALVIS BAY – Omukiintu gwomoSwakopmund okwa li a tala ko sho okamona ka si omeya mOlyomakaya komatango sho ka li ka faalelwa kekuthiikuthi enene pomukunkulofuta. Naye wo okonyala a se omeya sho a li a kambadhala okuhupitha okamwanakadhona, hoka ka li ka tongololwa onga Shanique Grace Gases. Omukiintu nguka okwa li a hupithwa okuza mefuta. Oshiningwanima shika osha li sha holoka po-OK parking popepi noPlatz Am Meer lwopotuhndi 16h00 mOlyomakaya.
Omukwatakanithi gwomakonaakono giimbuluma gwopolisi moshitopolwa Erongo ,Deputy Commissioner Erastus Iikuyu okwa ti okanona haka oka li ka yi komunkulofuta nayina, okamwayinamati, okamwayinagona osho wo omuntu gulwe omukwanezimo.
“Okakadhona oka li ta ka dhana nakamwayina nokamwayinagona popepi nefuta. Yina okwa li e tu lombwele kutya manga mboka ya li taya dhana okwa haluaka ashike ekuthiikuthi enene lya adha aanona n aka li we e wete okamwanakadhona,” Iikuyu ta ti ngaaka. Ta tsikile ko wo kutya omuvali nguka okwa li a nukile momeya opo a hupithe okamwana, ashike naye okonyala a se. Ta ti kutya aahupithi oya li ye ya noya li ya mono olutu lwokanona ke li momeya, ashike natango olwa li ishewe lwa kowina ko.