Omunamivo 38 okwa mangwa po kopolisi moshitopolwa shaMusati, sho anuwa a kwata okanona komimvo 13 koonkondo. Sha ikolelela kuuyelele wa gandjwa komukuluntu gwopolisi moshitopolwa shaMusati Titus Shikongo, oshiningwanima osha holoka lwopotundi 18h00 yuusiku momukunda Ombepo. Otaku hokololwa kutya omulumenhtu ngoka okwa li aithana okanona hoka mokandjugo kondunda ya tate gwako, e te ka longele omiyonena. Omulumentu ngoka ta tamanekelwa ekwato koonkondo Omuangola.
Minista gwokakwashikekookantu, ekandulepo lyondjala nonkalonawa Doreen Sioka oshiwike sha ziko okwa popi ta ti, omakwato koonkondo ga taalela aanona oge li 1 566 okuza muNovomba omvo gwayi sigo onuumvo , gomwedhi gwayi. Sioka okwa li a totha mo nkene omaupyakadhi ga taalela aanona ge na okukandulwa po oshowo okushunitha iipotha mbyoka pevi. “Aanona oyendji oya taalela omaupyakadhi gwoludhi ndoka, ihe oya mwenithwa, oshoka oya mbandamekwa, “ta popi ngaaka.
Aanona oyo onakuyiwa onkene oonkalamwenyo dhawo ondhina okugamenwa, okuyanda iiningwanima ya tya ngaaka, yi holeke moonkalamwenyo ndhawo.
Uuna okanona ka longelwa iilonga yatya ngaaka, onkalamwenyo yako ohayi lunduluka, shoka hashi kala oshindhigu okukagalulila konkalo ya ko. Ta ti, okanona iha ka vulu okwiitulamo miilongwa yako yosikola we, okugwanitha iilonga yak o ye siku oshoka omandhilandhilo gako oia piyaganekwa. Minista okwa ti, uuministeli wa wo owu li metifa okupitha okatendo ko pakotampango ko kugamena aanona ya taalela omaupyakandhi ga yooloka. “Ota tu tengeneke okuandjanganeka aahungi mwenyo kehe moshikandjohogololo, opo ya vule okugandja omakwatho mpoka taya vulu,” ta popi ngaaka.
Ta ti, nonando aahungi mwenyo kaya vula okuya muule wiipotha yo lundhi ndoka, otaya vulu okushunitha iipotha pevi moshilongo.
– vkaapanda@nepc.com.na