Elelo lodoolopa yaKongo oya shivifa kutya otai kaninga oshivilo shomaludi osho tashi ka tameka momafiku 25 Mei fiyo omomafiku 30. 

Omukulunhuwiliki wodoolopa yaKango Jackson Muma okwa ti oshivilo eshi ota shi ka danenwa kodoolopa yakOngo, omo ovanafaalama tava ka eta oimuna yavo pamwe nelalakano lokukufa ombinga womafiyafano omaludi. 

Okwa didilikwa omudo keshe odoolopa yaKongo hai ningi oshivilo shomaludi nelalakano lokukaleka po efimano lomufyuululwakalo. 

Omaludi okwa fi m ana pamufyuululwakalo woshiwambo, omo ovanafaalama hava kala ve udite etumba nehafo ngeenge eengobe davo tadi dana omaludi. 

“Oudano ou kaushi ashike oku eta eengobe ngahenya mokapale, ndele oku yandja omhito kovanafaalama, osho yo ovanangeshefa vashiivafane, voo ve lipe omayele momikalo da yooloka,” ta ti. 

Muma okwa twikila kutya oshivilo eshi osha kala omukalo ndjiikile meedula da kapita, naashi Okongo yeya pamufika wodoolopa paife eshi oshikando shititano ngaha omaludi taa ningwa. 

Okwa hokolola ta ti manga oshivilo ina shi fika, elelo lodoolopa ota li ka waimina manga nouvalelo wonhumba, nelalakano opo li dule okuongela oshimaliwa shokuninga omalongekido oshivilo eshi. 

Ouvalelo wonomena wina otau kakala ko okudja mo 25 Apilili 2026, peembelelwa delelo lodoolopa yaKongo. 

Muma okwa ti komaludi ota ku kakala lela oinima ihapu, ngaashi omangeshefelo opedu taa alandifa nokuulika oinima ihapu yanyika ounamapya naikwao ya wedwa po. 

Okomitiyee ina sha nomalongekido oshivilo eshi oya ti, Omupresidende Netumbo Nandi-Ndaitwah neudo oye ta kakala omupopi a fimana koshivilo eshi. 

taimihaihambo2000@gmail.com