Omukulunhu-wiliki wevyulonghalo lovanhu ve na oulema moshitukulwa shaShana Hannah Kambowe okwa ti okudalwa noulema kasha shi omupya ngaashi ovadali ne navounona vena oulema hava kala tava u lwa omalaka aii moshiwana kutya ovena omupya eshi va dala ounona vena oulema.
Kambowe okwa li ta popi Olomakaya mOngwediva mefiku lovanhu vena oulema la longekindwa kehangano loNAMCOL eshi la ningila ovanhu vena oulema 80 omusha va dja moshitukulwa shaShana.
Moshipopiwa shaye Kambowe okwa twa omukumo ovadali, ovatekuli vovanhu vena oulema opo va hateke omukumo wokukala tava tonatele ovanhu vena oulema momaumnbo.
Okwa ti ovanhu vena oulema ova pumbwa okukala tava fimanekwa, tava ningwa nawa nokukala tava tali kako kutya navo ovanhu ngaashi ovanhu aveshe.
Kambowe okwa ti ounona va dalwa noulema ohava kala va talela omashongo ahapu okuningilwa omahepeko oukashike kookanhu omomaumbo.
“Ovanhu vena oulema navo ovena oufemba wokukala tava i keefikola, okukatala tava i kongeleka nokukala tava kufa ombinga moinyangadalwa ya yooloka ngaashi omaudano nokukaholola ovaleli vavo,” Kambowe ta ti.
Okwa kunghulila ovanhu opo va xulife po okukala tava tongola ovanhu va dalwa noulema shaashi eshi otashi piyaneka omadilaadilo avo.
Kambowe okwa ti okwa pandula ovadali ile ovatekuli eshi tava twikile nokukala tava file oshisho sha wana ounona vena oulema shaashi kashishi shipu okukala omudali ta tonatele okaana kadalwa noulema.
“Onda pandula ehangano loNAMCOL eshi lina oshisho novanhu vadalwa noulema eshi la longekida efiku eli opo li yandje oikulya nomaano kovanhu,” Kambowe.
Ovanhu vena oulema okwa li va pewa omaano a yooloka ngaashi oikutu, eefewa noshotu oinima ikwao.