Auleria Wakudumo 

Omanyakwa oomeme mokudana okatanga kokeemhadi okwa ya mondabo Olomakaya okudana olixa yavo hai ifanwa oFNB Women’s Super League mOshakati. 

Oudano owa li wa tukulwa meengudu da yooloka, ongudu yopandingaadinga, yokonooli nokoushilo woshilongo. 

Ongudu onhinano oyo ya kufa ombinga moudano wokatanga koomeme kokeemhadi mOshakati Olomakaya. 

Ongudu yomafamba aNgwediva nedina la shiivika nawa Ongwediva City oya findana okudenga Onambula United omanga Eleven Warriors a denga oGolden Bigs imwe nopedu. 

Khaibasen FC okwa pupula oUnam Ogongo odwi eshi yeva denga imwe monola. Golden Bees oya pondola okudenga oYoung Chiefs okoola imwe monola. 

Oikondobolo oyali tai li ehete pokati kOkakarara Young Warriors noPoison Arrows eshi aveshe veli fiya ofika mbali mumbali. 

African Motto oshoyo Ongulubashe DC oveli fiya ofika eshi aveshe inava tula mo nande okoola imwe, hano veli fiya onola monola. 

Ongudu ikwao youdano wtanga lokeemhadi loomeme ngaashi ongudu yopondingaandinga yoshilongo oshoyo yokoushilo oya danenwa koWindhoek. 

-awakudumo@nepc.com.na