Olutu lwomunamimvo 24 ngoka a gwile momulonga gwaKavango olwa monika.
Chief Inspector Raimbert Muronga okwa ti olutu lwaMathias Mungeli ngoka a gwile momulonga komukunda gwedhina Siyena koshitopolwa shaKavango West olwa monika mEtitano, lwa adhika komukunda Siyena, konyala ookilometa 12 oku za mpoka a gwile.
Okwali a tongololwa kofamili ye. Otaku hokololwa Mungeli a gwile momulonga ongula onene yEtitatu miipathi yaapambele ye, mwa kwatelwa yina ngoka naye kwali e li poku londa okawato moka.
Otaku hokololwa Mungeli a adhika owala opo a mana oku longekidha okawto opo andola ina a londe, ihe okwa thenunguta e ta gwile momulonga. Yina naantu mboka ya li po oya uvu owala Mungeli a kugu iikando itatu ta pula a kwathelwe, no ku ningina kohi yomeya, no inaye mu muna we.
Oshiningwanima osha lopotwa kopolisi pethimbo mpoka ihe olukongo olwa ndopo oku mona pondola sha sigo okonima yomasiku sho olutu lwe lwa itsuwa.
Mungeli okwa li a zala ombulukweya ontokele nombindja yolwaala lwafa omafo. Oosandala dhe odha adhika mokawato pehala mpoka a gwile momeya. -Nampa.