Omulumenhu weedula o55 pamwe nomukulukadi waye ova fiwa pomutenya eshi eumbo lavo la pya po mwa kwatelwa omaanda noilya. 

Oshiningwanima eshi osha ningwa Etivali efimbo lokomatango komukunda Kayeura moshitukulwa shaKavango West. 

Omupopiliko wopolifi moshitukulwa shaKavango West Chief Inspector Rambert Muronga okwa hokolola ta ti ka pena omunhu a kanifa omwenyo ile a monena oshiponga momundilo omo. 

Opolifi oya hokolola tai ti meumbo ina mu hangika omunhu pefimbo loshiponga eshi sha holoka. 

Ota ku hokolola kutya ovaneumbo ova dengelwa ongodi kovashiinda kutya eumbo lavo ola haka omundilo. 

Opolifi oya ti ka pena ouyelele kombinga yo shi etifi shomundilo. 

Ota ku hokololwa kutya oonakuninga oihakanwa ova hangwa ashike opo va tula oilya momaanda Osoondaxa. 

Oonakuninga oshihakanwa otava pula ekwafo moshiwana kwau e na ehalo lokuvayambidida opo va kwatafane nombelewa yangoloneya wavo. Ova ti ova pumbwa omakwafo ngaashi oikulya, oidjalomwa noshoyo eenduda dokunangala. 

Opolifi oya kumaida oshiwana opo shi kale sha kotoka ngeenge tashi tema omundilo unene tuu pefimbo e li loutala. 

Oshiwana natango osha kumaidwa opo shi ha teme omundilo ngeenge sha kolwa molwaashi osha nyika oshiponga. 

fhamalwa@nepc.com.na