Uuministeli womindhingoloko owa ti otau ka tameka okuopaleka oombinga dhimwe mehala lyokutalelwapo Etosha, neyambindhindho okuza kepangelo lyaGermany. Omugandji gomauyelele muuministeli womindhingoloko Romeo Muyunda okwa ti otaya ka opaleka uundjugo, oondjila oshowo okuhulitha po ekudhilo momindhingoloko gwEtosha.
“Ehala ndyoka olya simana nohali hili aatelelipo okukatala iinanwenyo yongushu mEtosha, shoka hashi yambidhidha meliko lyoshilongo,” ta ti ngaaka. Ta gwedha po ta ti, oya ndhindhilike wo omangundumano mehala moka uuna kwa toko hoka haku eta omakudhilo. Muyunda ta ti oshigwana nashi kaleke po omahala goludhi ndoka oshoka oga simana nohaga dhana onkandangala ya simana moshilongo.
“Uuyogoki owo nau kale wa kwatelwa kukehe gumwe komeho ta ka talela po omahala ngoka, opo ga kale monkalo yi li nawa no tayi hokitha,” ta ti ngaaka. Ehala ndyoka ohali talelwa po kaakwiilongo oyendji nolyi na okukala nomayakulo ga pumbiwa ethimbo alihe.
Omahala haga gandja omayakulo ngaashi uusitola uushona nago otaga ka tulwa pomithika goshinanena opo ga hile ookasitoma. “Mpoka pe na uuyogoki ohapu pandika noku hokiwa ku kehe gumwe, sho oshowo shoka ta tu kondjo mpoka ta tu vulu opo tu kalekepo omahala golundhi ndoka,” ta ti ngaaka.
vkaapanda@nepc.com.na