Jazema Hangero 

Omarundurukiro nge ya mouye pamwe nounongo wakandino vya ṱuna tjinene kozongaro ozonguru zokuhupa kovandu. Otjeri ohepero otjovanene mokati kotjiwaṋa okuzemburukisa nokuhonga ozondekurona ohunga novitjitwa nongaro yomuhoko pamwe nekuruhungi kokutja omitanda avi ha poka koundu wawo, Dave Veziruapi Rukero, omunyomokise

nomuhonge wombazu ma tja nao.

Morupa rozombuze indwi Owhatsapp, omutengwa Rukero ma kahurura nokuhonga ohunga nounahepero wondomo. “Ondomo omuti wetu omukuru omupange, mbu panga oviṋa ovingi pekepeke mokati kavyo mu mu nokuramba onḓiro monganda, okupanga omutjise rumwe pe nomundu ngu nopoṋa pa vere u yenena okuhuwa ondomo a veruka,” matja.  

Ovanatje ovazandu tji mave i kotjivetero ve huwa ondomomovitoke kutja ave ha katendwa.

Ondomo i za mokuti, omuze womuti mbu haṋika otja momakondwahi. Eye wa tarA kondomo yomehi romoukoto na raisa kutja ve ungurisa omuvapu poo omundjembere.

Ondomo yokutjuurura onḓiro monganda i yandjwa i yomuyanwa kovandu. Tjitenga u rya nokurikoha nayo

amaa yandja kovandu. Ovandu tji mave ri ondomo ve sokuripeta, tji va mana okuṱaṱuna ve riyeka nayo omahoze kovitama nokukunga movipara tji va mana ave sire mehi kokutja ve sire onḓiro ai hi ya kawondja komurungu.

Rukero a pata ama ningire otjiwaṋa novanene okuhonga ovanatje pozonganda ohunga nombazu kokutja ai ha pandjara onḓengu nokutja i karerere. “Arikana

ondomo omuti wetu omukuru omupange mbwa sokukara mondjuwo ya ngamwa omuhoko wetu.”