Ehangano lopapangelo lile po omatukodila nelandulafano lewangadjo moshilongo loNamibia Civil Aviation Authority (NCAA), ola shivifa omangabeko oo a tulwa po ena sha noituki, eshi oshilongo sha yuka pefimbo lomahoololo. 

Ouyelele woikundaneki wa pitifwa komukulunhu wehangano Toska Sam otau ti omalinyengo oituki mewangadjo lomoWindhoek neenhele dopopepi otaa ka kala a ngabekwa pefimbo lomahoololo opaupresidente oo e li ko momafiku 27 Novemba 2024.

Omangabeko aa okwa li a tulwa po momafiku o13 Novemba, pefimbo ovapolifi, ovakwaita novanailonga vomomeva kwa li tava hoolola moshilongo. Mefiku omo tuu omo, Ovanamibia ve li kondje yoshilongo ova li yoo va pewa omhito opo va hoololele keembelewa doukaleli po shilongo moilongo omo ve li.

NCAA okwa shivifa vali kutya engabeko olo otali ka kala po yoo momafiku 26 fiyo omo28 Novemba 2024, eshi oshilongo tashi ka hoolola noku teelela oidje mo yomahoololo opaupelesidente nosho yo oilyo yomutumba wopashiwana.

Oitukidila ya indikwa oyo yo hai shingwa komunhu eli kondje ngaashi eedrone noituki ikwao yoludi olo, oyo hai longifwa paumwene, pangeshefa ile hai longifwa nelalakano loku li hafifa. 

Sam ta ti omangameko oo okwa tulwa po nelalakano loku kaleka po eameno pethimbo lyomahogololo, nolya pula opo omahangano noka ga kumwa komangambeko ngoka opo ga iyuthe komalandulathano ngaashi ga tulwa po. 

Ta ti uuyelele wa wedwa po ota u monika kepandja lehangano lokomalungula.