GOBABIS– Omalilongekido omahoololo a wedwa po moikandjohoololo ngaashi Gobabis, Keetmanshoop Urban, Walvis Bay Urban noKhomasdal, oo a longekidwa a ka kale ko mo 15 Januali otaa ende nawa.
Omahoololo oo okwe ya po molwa edjo moilongo lookansela ovo paveta va li ve na okulikufa moilonga muKotoba 2019, eshi va kufa ombinga va kale momusholondodo waavo tashi dulika tava ka ya kopaliamende, ngaashi shi li mokatendo oka ti 77(4) konhotwaveta yomahoololo onhi- 5 yomo 2014 nomekotamhango loshilongo.
Omukulunhu wehangano loElectoral Commission of Namibia, Theo Mujoro, momushangwahokololo oo a pitifa koikundaneki okwa ti omalishangifo omahoololo koikandjohoololo ine okwa li a ningwa mefiku 1-2 Novemba 2019.
Ta ti oushina vouElectoral Voting Machines (EVMs) ovo tava ka longifwa, navo okwa li va konaakonwa mefiku 07 Januali 2020, sha ningwa moipafi yovakalelipo veengudu dopapolitika.
“Oilongifomwa yomahoololo otai ka tumwa okuya keenhele domahoololo momafiku 12 Januali,” ta weda po kutya oilongifomwa oyo otai ka findikilwa kopolifi, notai ka tulwa monhele ya amenwa, omo tai ka kala metonatelo lopolifi okudja petameko fiyo omahoololo a xula.
Oushina ve li 104 voEVM control units noshoyo vo68 EVM otava ka longifwa momahoololo oo a teelelwa.
Mujoro okwa weda po ta ti, kumwe, ECN okwa kuta ovanambelewa vomahoololo ve li 260, ovo tava ka topolwa meengudu 53, neenhele dokuhoololela otadi ka kala di li 73.
Ovanhu 13 457 ove linyolifa va ka hoolole moGobabis, ve li 11 534 omoshikandjohoololo shaKeetmashoop, ve li 25 550 omoKhomasdal novanhu 169 000 omoWalvis Bay.
Mongaha, ECN okwe lipyakidila noku yandja elongo lovahoololi moikandjogoololo oyo ine,