Auleria Wakudumo 

Omaindilo ekufombinga lokakadona dingi kounyuni kaNamibia okwa undulilwa komesho nomafiku 10, okudja momafiku 07 Januali fiyo 16 Januali 2026. 

Ewedeleko lomafiku eli ola ningwa melongelo kumwe nomokushikula eemhango dokakadona dingi mounyuni. 

Eshi otashi yandje omhito iwa koukadona vaNamibia aveshe ovo vena ondjodi yokuninga okakadona dingi kounyuni kaNamibia ndele inava ninga omaindilo natango. 

Ngeenge oove to kongwa nouna ehalo lokukufa ombinga mefiyafanepo lokakadona dingi, kala weli faafaneka neemhango oshoyo oinima aishe oyo una okuwanifa po opo u kufe ombinga mefiyano eli. 

Kala una eedula 18 fiyo 26. Ovo tava ka kufa ombinga neudo ova teelelwa va kale va ka hoololwe momafiku 31 Januali 2026. 

Ovo veshi pondola, otava ka teelelwa va ka landule eemhango dokakadona dingi kaNamibia oshoyo kounyuni. 

Eemhango edi omwa kwatelwa okukufa ombinga mouvilo oyo hai kufwa ombinga moshilongo, okuya komadeulo okulilongekidilo mekufombinga lokakadona dingi ngaashi sha teelelwa kekufombinga lokakadona dingi kounyuni. 

Elishangifo lokakadona dingi konyuni otadi hangika komalungula oko omunhu a teelelwa a landule nokuadeka ashishe osho tashi pulwa. 

-awakudumo@nepc.com.na