OTJOMUISE – Omaindjambo ngautukire motjihuro namehi otjiveke ihi kutja Ombara Otjitambi yOvaherero ketjipo rukuao kayena owatjiri nandarire kutja eye nai ouvere we oukoto nu maruire omuinjo we.
Ovo tjikutu vopopezu naye vayauza kutja Ombara Otjitambi opuiiri maru nandarire kutja wazuvakerue okuÞa. Otjikutu tjatja nai eye mavemuesa momake wa Ndjambi tjinga aeri mongaro ondeu youvere. Ongaro youvere wombara Omandaha atjiyatanaukire kouvi nu momuanombo omambo ayeutu okunyandavara kutja wapoka omusepa warue. Posia ozonganga zatjere kawatjiri keya poka omusepa warue. ™Eye uri mongaro ombi posia onÿikame. Mangara kombanda yaindu tjari Omandaha. Orutu rue maruyakura omiti nawa neÞe matuzeri nokukumba kutja meya kouuwa,∫ Omuhungirirepo wotjikutu Onongo Hoze Riruako watjere Oritjavari.
Omatarero wotjiuru tje ngatjitirue yaraisire kutja mapekayenda nawa. Posia eye waraisa kutja mena rokutja ombara warire omundu omunene mozombura kaupupu eye okuveruka tjimanga noho okuiisira kourekoto womutjise we nu munao otjimapekambura oruveze tjandje ouningandu okookutja ngunda masuvana. Munao wina otjiwaøa otjimatjiningirua okukara nomuretima nokuhina okuhandjaura omaindjambo.
Omandaha o Ministera Ondenga, Hage Geingob, nawina Omutuewondanga mezuko wotjira tjo Swapo mOmbongarero yOtjiwaøa, Peter Katjivivi, novahendu varue peke peke vakatarere Ombara Riruako.