Lahja Nashuuta 

Okomisi yomahogololo, Electoral Commission of Namibia (ECN) oya koleka kutya oongundu ashike mbali tadhi ka kutha ombinga momahogololo ga gwedhwa po moshikandjohogololo shOutapi moshitopolwa shaMusati. Omahogololo ngaka otaga ka kala ko momasiku 29 Sepetemba 2025, ku na ashike omwedhi manga omahogololo gopashigwana gomaleleo goondoolopa niitopolwa inaaga tameka, ngoka taga ka shimbika momasiku 26 Novemba 2025. 

Nonando Namibia e na oongundu dhopapolitika dhi li 25 nomahangano 18 ge li momusholondondo gwa- ECN, omahogololo gomOutapi oge na ashike aakuthimbinga yaali, Selma Nelao Nakambale Asino gwoSwapo Party osho wo Fillemon Shikwambi gwoIndependent Patriots for Change (IPC). 

Oshipundi shuukansela shika osha ningi amwasha mesiku 1 Juli 2025 konima sho kansela Immanuel Shikongo e shi laleke, Shikongo okwa yelwayelwa noku li ngashiingeyi ngoloneya gwoshitopolwa shaMusati. 

Okakomisi komahogololooka oka kwashilipaleke oshigwana kutya omalongekidho oge li metifa opo ku ningwe omahogololo ge na uuyuuki nogoshili, mwa kwatelwa omilandu dhokukaleka po egameno. 

-lnashuuta@nepc.com.na