Taimi Haihambo
ONGWEDIVA – Omahangano okuyandja omakwafo molwoukwao wananghali otaa ka pa ovo va li va dengwa kefundja mOhangwena oikulya nouvoutya vokulanda oikulya.
Omunashipundi welelelo lopashitukulwa shaHangwena Erickson Ndawanifwa okwa kundaneka kutya Ovanambelewa va dja kombelewa yomupilima ova tala nawa nokukutofa mo omaumbo aa a li a dengwa a lila kefundja. Okwa kundanekwa yoo kutya omwaalu womaumbo aava va mona oixuna kefundja ou li po230.
Petameko lodula ei, efundja ola li la kuma omwaalu wovanhu va fika 490 moshitukulwa shaHangwena. Okwa kundanekwa kutya oikandjohoololo Engela, Oshikango, Ohangwena, Omulonga, Endola, nOngenga oyo ya li unene ya mona oixuna koikandjo aishe moHangwena.
Ndawanifwa ta ti ehangano loWorld Food Program ole lilongekida okuyandja oukalata va konda N$700 kovakalimo ava va mona oixuna kefundja. Natango ehangano loWorld Food Program opamwe nomahangano oo e lile po okuvatela ovanhu ava vamona oixuna ove li metifa lokulongekida opoloyeka i na sha nokuyambidida ovanhu ava noikulya.
Omahangano aa otaa kwafele ashike ovanhu ava va mona oixuna kodula mOhangwena omo ndele haava ve li moluhepo molwaoinima imwe i lili.
Oshitukulwa shaHangwena nOshana oyo i li ya mona oixuna kefudja koitukukwa aishe yomonooli.
Aakashiwana va fika pomwaalu 254 ile ve dule po ova lopotwa va mona oixuna kefundja okudilila kumayola waShakati Leonard Hango.
Ovakwashiwana ava va li va mona oixuna kefundja ova li va tembulwa mo momaumbo va twalwa keetenda. Keetenda ova panga ko oule weemwedi donhumba manga omeva taa ti po xwepo opo va dule okushuna komaumbo avo. Okwa kundanekwa kutya ovakwashiwana ava ova shuna nale komaumbo avo, meetenda ova dja mo.