Festus Hamalwa
Okakadona keedula 18 omukwashiwana waAngola okwa kwatwa onghonga eshi va ti ka kengelelwa komulumenhu oo eka heka kutya ote ka pe oilonga moshipangelo. Oshiningwanima osha ningwa molukanda Oshoopala mOshakati mexuliloshivike.
Omupopiliko wopolifi moshitukulwa shaShana Inspector Thomas Aiyambo okwa hokolola ta ti omufekelwa okwa ifana okakadona ta ti kutya oku na mumwainakadona e na eemhito doilonga koshipangelo. Va ti okudja opo omufekelwa okwa lombwela nakuninga oshihakanwa opo vaye keumbo oku ta ka ilwa ko kumumwainakadona ashike vati efiku olo mumwaina one uya.
Opolifi oya hokolola tai ti okudja opo omufekelwa okwa hekela kakadona monduda yaye ndele te ka longele omunyonena wopaixulo.
Oshiningwanima shikwao, omukainhu weedula 20 naye okwa kwatwa onghonga eshi naye a kengelelwa komunhu e mu tumina etumwalaka kongodi ta ti oye mumwainakadona. Oshiningwanima eshi osha ningilwa pomukunda uli popepi nOngwediva mexuliloshivike. Opolifi oya hokolola nakuninga oshihakanwa okwa tuminwa etumwalaka opo a kwate olefa aye pokalukando kedina Opoto, opo vaka shakene namumwainagona wedina Namutenya vakaye pamwe koshivilo.
Va ti eshi a fika opo a lombwelwa a helukile, okwa dja omulumenhu umwe ta ti okwa tumwa okakadona oko kuNamutenya. Opolifi oya ti eshi va fika pofikola pOikango, omulumenhu oo okwa kokolela omukainhu mokandjuwo ndele tai naye moixulo nokufaduka po.
Ka pena omufekelwa a kwatwa po moibofa aishe yomakwatonghonga onghee omakonakono opolifi otaa twikile. fhamalwa@nepc.com.na