O N G W E D I V A – Omuprimaminista Saara Kuugongelwa-Amadhila okwa kumaida omalelo eedoolopa opo a twikile okuyandjaneka omayakulo koshiwana noshoyo okuxwaxwameka omaulikilo oipindi.
Edi Kuugongelwa-Amadhila okwe di popya onghela pefimbo ta patulula omadeulo pambelewa omo ovanambelwa va yooloka va dja komalelo eedoolopa eshi kwa li tava pewa omedulo koshiputudilo shaNUST nehangano loALAN mOngwediva.
Omadeulo aa otama pu nena nokwa li ku na ovakufimbinga ngaashi ookansela vomamalelo e e d o o l o p a n o s h o y o ovanambelewawiliki veedoolopa m o m a l e l o . O m a d e u l o oku li koshi yoshipalanyole “Okuxwexwepalake oilonga yomomalelo meedoolopa noshoyo okukwashipaleka eyandjeneko lomayakulo mawa”
Omuprima minista okwa ti omadeulo aa okwa fimana shaashi otaa ka eta elunduluko liwa nodjemo iwa nghene ovanhu tava ka longa momalelo eedoolopa.
Onghee okwa ti osha fimana ngeenge omadeulo oludi e li otaa twikile okuyandjwa kovaleli veendodo da yooloka.
“Omalelo eedoolopa okwa fimana moshilongo shaashi ota dana onghandangala ya kula mokuyandja omayakulo kovakalimo vomeedoolopa noshoyo okuhambula po eliko loshilongo,” Kuugongelwa- Amadhila ta ti. Okwa weda ta ti po ngeenge omalelo eedoolopa ta ningi omaulikilo oipindi otashi eta eemhito doilonga kovanyasha noshoyo okueta oyuuyemo modoolopa nokulwifa nondjala.
“Oshimaliwa tashi di momaulikilo oipindi i l e moshiwana ngeenge tashi futu omayakulo a muni oha shi longifwa okuhambula po odoolopa i kale pa mu fika muwa,” ta ti.
Onghee okwa ti ngeenge modoolopa omu na omuyakulo mawa oha shi nane ovanhu vahapu mwa kwatelwa ovanangeshefa va yooloka ve uye modoolopa omo.
Kuugongelwa-Amadhila okwa kumaida ovaleli momalelo eedoolopa opo va kale ve na elongelokumwe nokukwashipaleka kutya otava wa nifa po oshinakuwanifa shavo pehe na oulingilingi.
Okwa pandula oshiputudilo shaNUST nehangano loALAN eshi la unganeka omadeulo aa molwashi okwa fimana kovanhu tava longele koikondo ya yooloka.
Lwopokati opo, minista weedoolopa nehambulepo lokomikunda Esratus Uutoni okwa ti ombelewa yaye oya didilika ookansela vamwe momalelo eedoolopa hava longo po oilonga ihe shi yavo, osho shi li shapuka.
“Xulifei po okukala ta mu longo po oilonga ihe shi yeni unene tuu koshikondo shoshimaliwa. Onghee onda didilika ookansela vamwe oha yandje omikanda nokudishaina ngeenge ova hala okukufa mo oshimaliwa koshikefa shomelelo,” Uutoni ta ti. Fhamalwa@nepc.com.na