Taimi Haihambo 

ONGWEDIVA – Eenhele domalukalwa mOngwediva oda yada molwovanhu va dja keenhele da yooloka ve ya komauliko oipindi. 

Mayola wodoolopa Taara Shalyefu okwa ti ye okuudite unene etumba mokuuda odoolopa yaye ya yada komufwata nale molwa omauliko opaipindi. 

“Ngeenge eenhele domalukalwa mOngwediva oda yada ohandi indile ovanhu va ka konge omalukalwa keedolopa dopopepi ngaashi Oshakati nOndangwa,” Shalyefu ta ti. 

Omauliko opaipindi okwa teelelwa a kale a tameka momafiku 22 fiyo 30 Aguste 2025. 

Ovakufimbinga vati ove li 450, nomokati kavo omu na ovanhu va dja kondje yoshilongo ve ya okuulika oinima ya yooloka. 

Okwa teelelikwa yo ku ka kale eeministeli dihapu tadi yandje omauyelele kombinga yoinima ya yooloka, osho yo okweeta omakwafo popepi novanhu. 

Vati otaku ka kala yoo omalihafifo ahapu a yooloka a nuninwa ovakulunhu nounona. 

-taimihaihambo2000@gmail.com