OTJOMUISE– Omana ngunjandavara morupanda ngumayetja imba womana inga ombumapeya aveyaruka motjihavero tjOmbara Otjitambi yOvaherero omana otjina otjihungame uriri tjimatjitjiukua iyozombuze ozeni nÿeyehandjaurire nOuhonapare wOmbazu wOvaherero muwazuvire nowo owini mbuuhina ondjiviro nayo.
Indi ondari eziriro ekahu rOtjiuru Tjorupa rOmekurisiro rOuhonapare wOmbazu wOvaherero, Jonathan Katjimune, tjaziririre komapuriro wozombuze ohunga nomana ngarimbara mozombuze namotjiwaøa kutja imba vomana inga ombumapeya aveyaruka motjihavero Tjombara Otjitambi yOvaherero, omuyaruke Onongo Kuaima Riruako, nguaÞa tjiyari yevari komueze mbuazuko, Ngarano, napakua pEtjo Rozombangaøe romuhoko mOkahandja tjiyari 29 komueze tjigewo. Momana inga ngaingana mozombuze namomahindua mbo muna oronongo Hoze Riruako, Ohahende Vekuii Rukoro nawina rokaøepo kOmbongarero yOtjiwaøa, Kazenambo Kazenambo. Muimba Kazenambo erike onguaraisire porutjandja kutja eye kenonÿero motjihavero ihi tjinga, muviarue ovingi, eye aehamunu kutja ounane wombazu kuye ootjirondero koviÞo viarue viounane pondondo yehi arihe nandarire kutja unondongero nomaunane wombazu.
Oroviungura Otjirata Tjozombara tjOvaherero otjitjari nombongarero yozombuze pOkomando Oitjavari yerapi rotjiserandu mOtjomuise okutjivisa otjiwaøa ozondiero zombongarero ndjitjari nayo pofarama indji Omusorokuumba meøe ya Kahandja okuza omayuva tjiyari 15-18 komueze imbui. Katjimune waraisa kutja omana inga omanayomombembo uriri omasondoro ngehiyavaza ounane wOvaherero. Tjingetjo kepuriro rombapira yoruhoze ozombuze ndaazetja yahindua iyOperesidenda Ondenga ya Namibia, Sam Nujoma, kotjikutu tja Riruako nakomuhoko wOvaherero, Nujoma mumakuzu watja Ombara Otjitambi yOvaherero, Omuyaruke Hosea KuÞako, wari omuÞize wotjihavero tjOuherero uriri, Katjimune watjere Ouhonapare wOvaherero ombapira indji kauyeimuna nu munao tjingetjo otjiuhina maa uzirire kuyo.
Morutuu nduaresere kozombuze, Katjimune matja Otjirata tjOzombara zOvaherero tjayauza Tumbee Tjombe okukayenda komurungu okuÞiza otjihavero Tjombara Otjitambi ihi otja tjeetjiÞiza nu tjaÞiza ngunda Ombara Otjitambi eeriko. Matja Otjirata Tjozombara nai otjo tjitjiri ondomba younane wotjiwaøa tjiri kongotue ya Tjombe okuura. Omayuva womayambero wa Kahandja tjiyeri 22 nganduu 24 ku Katjose, omuyaruke Ombara Otjitambi Onongo Riruako otjimakaisakewa onguyi nu okuzambo Osenata yOvaherero otjimaihaama okuripurira kondjira yotjiwaøa komurungu mumuna wina okuripurira kokutja Tjombe maÞiza otjihavero ihi oure mbuÞapi.
Tjingetjo ovanane vayauza okukayenda punozombara ndaazekayenda punOmbara Otjitambi omuyaruke Riruako nokupaimisa kunazo omaunguriro kumue inga muzo mumuna Omuara Ombara Otjitambi Aletha Nguvauva wOvambanderu, Ombara yOvakuena imba Ova!man, Dawid Frederick, Ombara Raphael Hiangungo Kapia wOuvara wa Zeraeua, Ombara Turimuro Hoveka wOuvara wa Tjimana-Hoveka, Ombara Vemutonda Mureti wOuvara wa Mureti, Otjiwaøa tjOvaherero tja Vaalgras nOmuhona Jefta Uateza Urika omunane wOtjiwana tjOnguatjindu. Otja kongutiro yombongarero ya Tjimbingue ombura ndjazuko mu Ngarano, otjirata tjingetjo tjayauza okuriama komurungu okupaha omaunguriro kumue nozombara zarue tjeri otjiøa omuyaruke Ombara Otjitambi Riruako tjauta natjo rukuru tjakara nomahakaeneno kunomauhonapare wombazu wOvandonga nOvakuanjama.