Kae Maṱunḓu-Tjiparuro
Motjiveke hi Eraa rOmayandekero womuhoko wOvambanderu nOvaherero otji ra tjiukisiwa i yomuzepe omuhinambinḓu komutima, Lothar von Trotha, wEhi rOvandoitji moruveze rohuurire kutja omuhoko ngau yandekwe. Eraa ndi mari tjiti ozombura o-119, omuhoko ounene mozondya zawo pekepeke auhe mousemba we, wa tye okuzemburuka eyuva ndi.
Omayuva Eraa tji ra tjiukisiwa i von Trotha pOzombuzovindimba komueze Seninaṋi mo 1904, ndari Omandaha rotjiveke hi. Ovimbumba tjiva vyomuhoko Omayuva womasuviro nga kapita opu vya kayatere pOzombuzondimba ngunda vyarwe amavi i omayuva womasuviro nga.
Wina omayuva womasuviro nga, omuhoko kehi yerapi rOtjizemba otji mau kayambera kOmaruru. Otjitjitwa tji tji norupe novita vyomuhoko tjinene ku nOvakwena na wina ku nOvandoitji tji tja twara kOtjiṱiro Otjindjandja. Omayuva tji ya ri yevari ku Seninaṋi ombara ya Maruru,Wilhelm Zemburuka Zeraeua otjaa ṱa mo 1876.
Otjiyapa oomayuva ngu tji kayambera kOmaruru.
Otjimbumba tji tja ri kOzombuzovindimba omayuva womasuviro nga kapita kehi yozombara zongutiro ya Kandjoze, za ire kehi yembo ehongonekua ndaari tja: “Ovikwaye mbi tu zera moruyaveze rwotjihungiriro tjOtjiṱiro Otjindjandja.”
“Ombazu nOngaro Novitjtwa vyOmuhoko ombiri ongunḓe yOhange, Ombwiro nOmakaendero Wokomurungu Omakarerere,” oondi ri embo ehongonekwa romayambero wa Maruru. Omuhungire weyuva Oministera yOmekurisiro wOvihuro nOkozombanda, Erastus Uutoni.