Omupevipresidente gwoSwapo Netumbo Nandi-Ndaitwah okwa li a nyana omatukano nomalaka ga honga ngoka taga ningilwa Presidente Hage Geingob ta ti kutya omityanayi ndhoka otadhi lalakanene okuhwahwameka uukwamuhoko osho wo okuponokela omupresiddnte.
Ta popi kombinga yomalaka ga popiwa kuMichael Amushelelo ngoka ge li mokavidio ke li komalungula, Amushelelo okwa li a ula Geingob kuty ye okatali, Nandi-Ndaitwah ta ti ti omapopyo ngangoka otaga yonagula po oonkambadhala dhuukumwe womithigululwakalo nanatango oshi li kondje yoveta.
Amushelelo, ngoka a li momangeshefelo niipindi yokulanditha paintaneta oku li kondje a pewa obooloha konima sho a li a mangwa po omumvo gwa yi sho a li ta fekelelwa elongitho lyiimaliwa ya adha poomiliona 17 shaa li paveta.
“Onga omuvali, omuleli gwopashigwana, omupevipresidente gwoSwapo, otandi nyana uuvidio nuutumwalaka mboka wu na omalaka itaaga opalele wa ya omukungu nomeya komalungula,” Nandi-Ndaitwaha ta ti ngaaka ohela momushangwa.
“Ethimbo olya thikana ngashiingeyi mpoka oongundu dhopapolitika dhi kale tadhi kwatele komeho nkene aayambidhidhi yawo ye na oku ihumbata.”
Ta ti kutya omakwatathano kehe gaantu, mwa kwatelwa ngoka gopapolitika oge na oongamba.
“Shoka shi li moNamibia, unene tuu maagundjuka ngashiinhgeyi oshinima oshiwinayi. Itashi ka taambwa ko nando ngele omuntu ta tukana ta ti aantu oombwa” ta ti ngaaka.
Ta popi e li ompinge nokavidio kaAmushelelo, omukuluntu gwopolisi Sebastaina Ndeitunga okwa li a pula aakwashigwana, unene tuu mboka aawunganeki yiigongi kutya inaya yonagula omauthemba gaakwasgigwana yalwe.
Moonkundtahana noNampa mOsoondaha, Ndeitunga okwa li a pula oshigwanana shi ikaleleke kokule nokutumbula nayi aakuluntu piigongi.
“Kungame ndika elongithonayi lyuuthemba noshi li ompinge nomithigululwakalo dhoshiAfrica,” Ndeitunga ta ti ngaaka.a
Ta gwedha po kutya ekotampango inali pa nando omuntu gumwe uuthemba wokuyonagula uuntu womuntu gulwe.
“Omu na uuthemba woku pa omupresidente gwoshilongoi uusama ngele ita longo nawa ngaashi sha tegelelwa koyendji, ashike ina ilongela okutukwa nokutumbulwa. Mpoka oveta tayi vulu okuya miilonga, opolisi otayi ka tala ngele mboka taya tuku omupresidente otaya ka vula oku ka kalela po omapopyo gawo paveta,” ta ti ngaaka.