Paulina Ndalikokule
Omupopiliko gwelelo lyondoolopa
yEenhana Ottlie Shingenge okwa ti
oya ningi onkambadhala okutungulula
omahala gwokulandithila iikulya noku ga eta
pomuthika omwaanawa.
Ta ti oya tungitha aaniilonga yayo oshowo
aailongi yaali taya idheula melelo okuza ko-
VTC yEenhana.
Shingenge okwa ti omalongekidho
gomaulikilo giipindi oshikando oshi-14 otaga
ende nawa, noga tegelelwa ga ka kale ko mo29
Juli sigo 4 Aguste nuumvo.
Shika oshi li oshitopolwa sheilongekidhilo
lyomauliko giipindi mondoolopa nuumvo.
Shingenge moonkundathana noshikundaneki
shika okwa ti oya pondola okoopalekulula
omahala gokulandithila iikutla ge li 50. Ta ti
aapindiki ye li 152 oya ishangitha nale ya kuthe
ombinga.
“Aantu oya kala nale taya nyenyeta kutya sho
ya kala taya landitha mehalandjandja mendiki
lyomaulikilo giipindi kakwa li shi li nawa
kuundjolowele nomudhingoloko,” Shingenge
a ti ngaaka.
Ta ti elelo olya longitha iilongithomwa mbyoka
ya hupu kiilonga yokwoopaleka oondoolopa.
Omupopiliko ta ti aantu oyendji nuutala
wiikutya awuhe mboka opo wa tungululwa owa
kuthwa po nale kaapindiki okulanditha iikulya
niikunwa osho wo omahangango gopaumwene
nooministeli dha yooloka otadhi ka kutha
ombinga.
Okwa indile aavali ya tume aanasikola
komaulikilo giipindi ya longithe ompito ndjoka
okukonga omauyelele ga yooloka kiiputudhilo,
omahangano nooministeli dha yooloka ta dhi
ka kutha ombinga.
Ta ti aantu natango otaya vulu okwiishangitha
ya kuthe ombinga momauliko gwiipindi sigo
omEtitano lyoshiwike shika.
“Otwa ilokengidha nawa lela, katu na naanaa
uupyakadhi wu li po tawu vulu okwiimba
omauliko giipindi ngaka ga ye komeho, ope na
omahala gaamboka ya hala okudhika uutenda
mehalandja” a ti ngaaka.
Shingenge okwa ti omaulikilo giipindi
ngaka otaga gandja ompito kaantu ayehe
moshilongo ya kundathane ongeshefa, iipindi
nokwaandjakaneka omauyelele.
Omumvo nguka elelo olya pondola
okugongela oshimaliwa sha thika poN$414 470
puulalelo wowina wa ningilwe mondoolopa tashi
ka longitha momaulikilo giipindi yonuumvo.
Nonando ngoka ya hala a ka patulule
pambelewa omauliko giipindi ngaka oma-14
itaya vulu okumuthamuna kutya olye, oya
tengeneka ga ka patululwe pambelewa mo 31
Juli nuumvo.
Ta gwedha po kutya egameno opo tali ka
kala nawa pethimbo ndyoka sho ya pondola
okukuta aagameni yomaliko ye li 54, taya gwedha
egameno okuza kopolisi yaNamibia.
-ndalikokulep@gmail.com