Ombara yOvandonga, Fillemom Shuumbwa Nangolo, ma tunduuza Ovanamibia okupukata omiano pekepeke vyOtutumbo nOvikunwa.

Wa hungirire posarama indji Oagri Nest mOrukondwa rwa Shikoto Oroviungura nda zuko pomanyikorero omatenga wovihakautu. 

Ama tja ozombura nozombura ovature vokomanene yehi ve kuna omahangu uriri nu nambano pa sere okukara omarundurukiro mombazu indji okuraisa kokutja kangamwa otjiṋa matji yenene okukunwa.”

“Ovakonḓononene vonḓengu yoviungura vyehi va yauza kutja ra pwira kangamwa otjikunwa okuza pOkavisume ngandu pOkashana,” ma tja. 

Na weza kutja ondando onene youṱuta pondondo onḓiṱi okuyandjera omavasisisiro wovikurya ku auhe mOnamibia. 

Na tja kape sere okukara omundu ngu ma ṱondjara ndoovazu pe nomayeneneno, pe rarera nokupendukira wokuriungurira ovikurya. Na ningire ovature vomonganda okukara norupa tji va ningirwa nao mu kangamwa ovitjitwa mbi. 

Ngunda ape ri nao Ongooneya ya Shikoto, Sacky Kathindi, wa yandja ondangu kotjiungura tjOagri Nest otjotjihorera tjokutja ovanane vombazu mave yenene vi okuhongorerapo otjiungura tjouṱuta wakandino ndi nokuyeura oviwaṋa vyawo. 

“Itji otjiungura okukapita otjiungura. Omaisaneno kokutjita, ne kengezambo ku avehe ovaṱuta, ovanazongetjesa, novanane voviwaṋa vyomonganda kutja Oshikoto tji nomasorero okurira otjimbamba tjovikurya,” Kathindi ma tja. 

Na raisa kutja omayeneneno wotjiwaṋa kokurikareka novikurya na pambarere kokutja ngape zemburukwe kutja otjiwaṋa matji yenene okuririsa. 

“Tu nehi ehape novandu ovaungure oukukutu,’ ma weza ko nao. 

Mozondando zotjiungura itji zo pondomba mu nokunyomona oviungura nokuhenununa ovirandwa pendje yehi nokutunduuza omauguriro wavyo mehi. Nampa