OSHIKANGO – Ombashu yoondunda heyali oya li ya pi po mEtitatu mondoolopa yaHelao Nafidi. Mayola gwondoolopa Eliaser Nghipangelwa okwa li a lombwele oshikundaneki shoNampa kutya omulilo ogwa li gwa tukuka koowili dhongula sho mboka haya zi megumbo moka ya li ya ya kiilonga. Oondunda hamano odha li dha yangata po thilu, omanga ontiheyali ya li ya hupu kashona sho kadhima mundilo a li e gu dhimi. Otaku popiwa kutya moshiponga shika shomulilo inamu sila nando omuntu gumwe.
“Okwa itaalwa kutya opwa li pe na ongodhi yolusheno oyo ya eta omulilo, konima anuwa sho aaniilonga yiikwamalusheno ya za kehangano lyokuandjagakaneka omalusheno monooli lyoNored ya li inaaya mona anuwa mpoka pe na epuko sho ya li ye ya okukonaaakona,” Nghipangelwa ta ti ngaaka.

Ta gwedha po wo kutya ombelewa yakansela gwoshikandjohogololo Oshikango okupitila mukansela Phillip Namundjebo oya gandja otenda moka omo tamu kala tamu zi mbaka ya ninga iihakanwa yoshiponga shika. 

“Natse wo otwa li twa wayimine kansela gwoshikandjoghogololo opo tu gandje iikulya kwaambaka,” osho mayola a ti ngaaka.

-Nampa