I Kae Matundu-Tjiparuro OTJOMUISE Ondjuwo yOzoveta ya Namibia erero ya tjitire omakuruhungi tji ya yakurire no kuhina okanepo kemwe kai peke ombepo ndja hitisiwa mondjuwo indji ohunga nOtjitiro Otjindjandja nOtjisuta tjatjo. Tjiyari 19 komueze imbwi Ombara Otjitambi yOvaherero, Kuaima Riruako, otja hitisa ombepo indji kutja ondjuwo indji: “Ihungirire kOtjitiro Otjindjandja tjitjatjitua kovandu vetu mo 1904-8. Kutja Ombongarero yOtjiwana iyandje oruvara keningira rotjisuta okuza kohoromende yOvandoitji nozonganda zombirivate nda vyarerere mo nyonokere yovandu va Namibia.” Mehungi re ro ku pata o mahugniriro kombepo indji Riruako wa ra i sire no mutima auhe okunene okuhepa kwe ko u nepo mbwa ya ndjerere kutja ombepo indji ku hungirirwe nawina ko mwano wo meri porindiro no u tiha mbu wa ri nawo mo ku hungirira kombepo indji.Watjere mu imba mba kara norupa mehungi indi o hambwarakana yao ye ri hungirira kutja tji tja tjitua kovandu va Namibia pokati ko 1904 no 1908 mena re re Raa Romayandekero ro Ngenerara von Trotha yari otji tjitua otji hina mbindu komutima tjo Tjitiro Otjindjandja iyo horomende yOvandoitji yo ruveze indo. Ehungi indi wina ra ra i sire kutja ovandu va Namibia vena o u semba wo ku ningira otjisuta okuza ko horomende yOvandoitji nu wina ohoromende ya Namibia yasere oku kara nombango me hungi kangamwa ohunga notjisuta pokati kovature vayo no horomende yOvandoitji. Ehungi rasere okuuta pokati ko vanarupa no vana ndero munda umwe no horomende yOvandoitji munda imbo warwe nu wina ovakuramenepo vo vaimba mbatunwa ngave kondjise okutuna otjina ihi mo u pore kutja veyandje omasa kongaro ombwa ndjiripo nai pokati komahi aye yevari inga. Nomambo inga Riruako otja tokere o u nepo wo ndjuwo indji oku yakura ombepo indji otja tje i hitisa mo ndjuwo indji natja tjiva tjiti nao ndinondi mave ye nenisa otjiungura tjao tjitjazu mo ma kuruhungi kovandu va Namibia tjinga otjina ihi atji hamunu ombango ndjetji pwire. Wa tjere ihi oo tjina otjititi uriri o u nepo imbwi mbwa tja uyenena okutjita mo ku zemburuka ovati mbayandja ominyo vyao ko tjirwa tjo ngutukiro yehi indi no ngutukiro tjiyari 21 ku Tengarindi mo 1991 a i kwatua.