I Surihe Gaomas
OTJOMUISE
Omarokero wombura mo Namibia mayemunika nawa nu munao ehi otjirasere okuundja omata yarwe komurungu yomayuva womasuviro inga tjinene komanene, ondivitivi na komuhuka, omuuke womwinyo matja.
Omuuke ingwi okuza kOrupa rOmaukiro wOmwinyo mo Tjomuise, Odilo Kgobetsi, matja omayuva ngumaeya komamuho wehi otukondua tua Hardapa na Karasa maturire otukahe ngunda komanene, komuhuka notuveze tjiva mondivitivi amatuyakura omata. “Komamuho wehi kakuna kukara ovikamba nu wina omwinyo maurire omungundi. Ovikamba mbimavikarako mavitjindire komanene eyuru kuma rirauka,” Kgobetsi watja.
Nandarire kutja pari no maukiro wombura motjihuro Oritjatatu novikamba nomata, ku ndinondi tjandje omwinyo imbwi wataunikre momutenya noupyu.
Komanene okupikira komuhuka makukara ovikamba kamba nomata nganduu omayuva womasuviro nu komamuho wehi aku kara noupyu.
Otja kovivarero vyo mbura ndjaroka okuza korupa indui Oritjavari, ozondendera zorutjandja rozondera indui o Hosea Kutako onduamuna omata omengi wozo mirimeta o 40. Kuzo akukongorere o Erospark no 32mm, Okongova no 24mm, Avisa no 17mm nOtjomuise no 15.8mm. Otukondua tuarwe tu tuamuna ombura ndjimaingara muna o Nkurenkuru mOrukondua rwa Kavango no 12 mm, ofarama indji o Kuduberg mOrukondua rwa Rongo no 14mm, Otjaheundu no 2.8mm, Orahwava no 3.6mm. Omata omatititi kehi yo mirimeta imnwe yamunika mOutapi, Okongo no Bagani ngunda Ondangwa atjamuna ozomirimeta 7.