Auleria Wakudumo 

Ehangano loNamwater, ola tameka okupata omeva oufiku moshitukulwa shaHangwena, Oshikoto nOshana molwomeva odula oo a panukila mokanala. 

Omupopiliko waNamWater Lot Ndamanomhata okwa holola ta ti ekwatafano lomeva odula naao omokanala ola shunifa ongushu yomeva pedu. 

Omeva okwa tameka nale okupata Etitatu momafiku 26 Febuluali 2025, fiyo omomafiku 02 Maarsa 2025 okudja potundi 22h00 fiyo 04h00. 

“Oipangelo, eefikola, oitaasi yopolifi naikwao oyo i na omhumbwe yomeva pefimbo loufiku otai indilwa opo i kwatafane neembelewa daNamWater opo va pewe omakwafo amwe a wedwa po,” Ndamanomhata ta ti. 

NamWater ota shivifile ovakwashiwana moitukulwa ya tumbulwa petetekelo opo va pungule omeva okulongifa pefimbo omeva a pata. -wakudumoauleria@gmail.com