ONGWEDIVA- Elelo loshitunda shaNdonga oshivike eshi ola ekela shi oshibofa shoulodi noshoukodi osho sha tulilwa mo omukainhu komusamane waye womido 64.
Ovalihomboli ava, ovakalimo vomomukunda Oshitayi, ova kala mohombo oule womido 35, nove na ounona vatatu.
Talaah Shaningwa ou a li omukwaita wetanga leameno ota ti okwa kwatela omukulukadi waye mombete yavo yohombo oikando ya yooloka, nonovalumenhu va yooloka.
Oshiningwanima sha xuuninwa osha ningilwe momafiku 26 Febuluali, omo Shaningwa vati a aluka koshitukulwa shaKavango inashi teelelwa noku hanga omukulukadi waye mombete nomulumenhu umwe.
Eshi va uda omalinyengo aShaningwa vati ova pitila mekende londuda, ndele tava ka holama mondunda yokaana kamwe kokakadona komeumbo.
Okwa twikila kutya okwa ya aka pule okanona aka kena onduda omu mwa yuka nomukulukadi waye omushamane oo ta ti okwe mu dimbulula.
“Onda tameka okukadenga komaoko handi ka pula kutya ngee ovanhu inake va mona, omolwa shike keli pondje efimbo loufiku? Vati otake kelikosho ashike onde ka lombwela kutya otaka popi oipupulu shaashi efiku la landula kakwali kuna ofikola nonghee kandi wete omhumbwe yokulikosha omaufiku, oka tameka taka kwena,” Shaningwa ta hokolola.
Efiku la landulako omukulukadi waShaningwa vati okwa ya kopolifi, aka patulula oshibofa kutya vati Shaningwa okwe va ulika ondjebo voo nokanona. Okwa tulwa moipandeko nokwa idililwa oule weemwedi nhatu.
“Elao linene onda ka pewa eli futilemo loN$700 ashike nande ongaho ina ndi mona nande omukulakadi wange e ya nande oku talela ngepo pefimbo ndali modolongo,” Shaningwa ta hokolola.
Oku dja kodolongo Shaningwa vati okwa tula mo eindiko (oProtection order) opo omukadi ehe uye popeni naye.
“Eshi nda fika peumbo, onda hanga efano lange lamangelwa kumwe nokamutwe nocondom, noshimaliwa shikukutu shaBostwana shatulwa monhula yefano, Shaningwa ta hokolola.
Ta ti efiku la shikula ko okwa dipaa kashima oo vati ali tadi omahodi taende meumbo.
Konima eshi a dipaya kashima ohaluka mbishi wambulavo okwe ya puye ta shendje omaluvala omesho. Vati okwa ifana okamona ndele tave mu dipaa…
Pefimbo loihokolola omukulukadi aveshe nomusamane oo ta popilwa ove li kanyuna omapopyo a Shaningwa oukodi.
Hamushanga welelo lOndonga Frans Enkono okwa ti oihokolola oyo oya ningwa shili, ashike oshibofa osho oveshi ekelashi shaashi oveta yopamufyuululwakalo ihali pangula oinima yomaulodi, unene tuu eshi pehe na oumbangi wa yela.