OKAHANDJA- Ombara Otjitambi yOvaherero wavirikizire Omuhonge wOmbongo yOruuano, Asaria Cleophas Kamburona, nokumuningira okutuaerera omitjemo viotjiwa¿a kovanane ve otja tjimakawana kunawo rukuao. Pombakero yomuyaruke Omuhonge Kamburona Osondaha ndazuko muno petjo rozombanga¿e zOvaherero nOvambanderu, Ombara Otjitambi yOvaherero, Ohahende Vekuii Rukoro, waningirire omuyaruke Omuhonge Kamburona okutuaerera omitjemo viotjiwa¿a ku Katjikururume nokukemuzemburukisa kutja omambo we omanamakuruhungi tjatjere “ozombandje zenomina, ozonÿera zenoviruwo, nunguari omuatje womundu kena pumatua otjiuru,” ngamba kundinondi yenowatjiri nomaheya kotjiwa¿a tje. Wavirikizire omuyaruke Omuhonge Kamburona natja ngakaraere Katjikururume kutja mo Namibia ya kandinondi, eningira rOvaherero rehi rizirua nozokeketara o 20 mozoresevate zohuurire yombangu yotjivara. Tjingetjo eningira rawo kotjisuta tjombinÿu yawo ndjatirahiwa iyOvandoitji kuzirirua nomerikutiro kumue wouka inga wombatero yapeke ndjazuvasanewa pokati kohoromende ya Namibia noyehi rOvandoijti ngunda imbovandu oveni aveundurirua kokure. “Posio kemuraere kutja eÞe katuna ondando okuyakura ongaro indji kaparukaze. EÞe matuiikuramene momurungu neÞe matutjiti owatjiri kutja ozohoromende azeembari inÿa zepuratene kongondjero yetu onawatjiri!” Koruseinina Ombara Otjitamba wavirikizire omuyaruke Omuhonge Kamburona kutja ngakaraere ovakuruvao (votjiwa¿a tjOvaherero) kutja eningira rao (otjiwa¿a tjOvaherero) rowatjiri kutja wounane ouhonapare wao wombazu uzemburukue ripanÿua ndoovazu kauriwisire kehi yomazeva wombangu youmuhoko woresevate ndjitjiukua otjo Mongua oyo Hosea KuÞako oure womuinjo we ndjapanÿa. “Arikana Muhonge Kamburona, pura Ombara Hosea Kutako kutja hapo indji oo Namibia eye ndjahindirire otutuu tuomitjemo kOmihoko Omikutasane noyo wina ndjahindira Ovanamibia mbehina otjivaro kouye wopendje okuruira ro? Indji hapo oo Namibia yongutukiro nai ndjitjatjua iyombindu yoo Tate noo Mama mbapandjara ominjo viawo ozombura zerero zonÿorera?” Rukoro watjere ozombura o 111 nÿakapita eyuva indi motjirongo tjigetjo ihi, Okahandja, omunane omuhungame weyuru omupiuke wOvaherero eye nai penondjozikiro yokukayenda mozondambo ze, otjayandja era rokutja otjiwana tjisekame noviumbe nu tjipirure nokuruisa omakamburiro youhuura wehi roo ihe. Watjere posio otjiwa¿a katjiworonganene muno okuruisa omunavita kaa¿i posio nunguari tjirimba “okuyandja omuinjo wombanga¿e ependa nguheripo rukuao kotjimbumba tjovakuru novaingeri va Muhona mbumavemuundju okumuyakura nokumutuara keyuru. Ndinondi kayuva roruhoze nunguari eyuva rokuyorokera omuinjo mbuahupua nawa, eyuva rokutanga Ndjambi kotjiyandjewa otjihuze komundu”.
Kutja onguaye Ouhonapare wOmbazu wOvaherero, naye omuini Ombara Otjitambi tjiveripurire okuyeta omuyaruke Omuhonge Kamburona muno nokumuna odjozikiro yozondjozikiro metjo rozombanga¿e zOvaherero nOvambanderu, Rukoro watjere omuyaruke Omuhonge wapuirire mena rokutja eye ondekurona ondenga yotjirua tjongutukiro nomuatje wotjirua otja nguakuaterua mouye wozonganda mo South Africa ovanene okuza nokutaurira kehindo okuhuka ominjo mena reraa rOngenerara von Trotha rokuyandeka otjiwana ro 1904. “Wari omuruire wongutukiro omuzoozu omupikue moruveze rotjirua tjongutukiro; wari omunane otjihorera nomuruire wongutukiro womohamunika; wari omusuvere wehi re; wari ombanga¿e yongutukiro nawina omurue omukuru wongutukiro kehi younane oupiuke waihe yOndando yOtjiwana yOngutukiro ya Namibia- Hosea Katjikururume KuÞako.”
Posio ngunda aayandja ohambuarakana ye ndjihina omayandero kongondjero yongutukiro ya Namibia, mumuari okuriyandjera kourike we omuini okuvatera okuhenisira ovanane votjirua tjongutukjiro kOtjauana, omuyaruke Omuhonge Kamburona waÞu eheya zemburukua iyohoromende otjomurue omukuru. “Kutja onao, Muhonge Kamburona, omazemburukiro nondjambi ove ndjiwapatua kombandehi maikuundjire keyuru; nove kaove erike motji¿a ihi ete matuzemburukisiwa wina Otjimbumba tjovandu o 154 kehi younane wOmbara Kuaima Riruako tjitjahindua iyOmbara Hosea KuÞako okupita mehi okukamuna omahupikiro moviumbe posio ovo avekarira ozonÿu zombunguhiro mombata pokati komahi omanamasa kutja ndinomasa pekuao oori¿e nounakare wa Africa.
“Omena rotjihorera ihi tjozombura o 60 zomeriyandjerero kotjirua tjehi tjongutukiro, nozombura o 43 mounane wotjiungura tjouyapuke ami opumbazire okuungurisa ousemba womasa wouhona wandje Otjombara Otjitambi yOvaherero okumupa ondjozikiro yozondjozikiro kutja meekusuvisiwa me¿e yovanane ovanene nene votjiwa¿a tjetu- Hosea KuÞako, Clemence Kapuuo, Kuaima Riruako, Tumbee Tjombe, David Ndisiro, Kandjanatozombua Tjiho na Jonker Afrikanera!”