Auleria Wakudumo 

Omhagulilo moPretoria shaSouth Africa oya yandja ehandukilo lomido hetatu modolongo komukainhu Omunamibia weedula 30 oo a kwatelwe noingangamifi moshilongo osho. 

Otaku hokololwa Pauline Mbangula a kwatelwa pokapale keedila koOliver Tambo International Airport opo a hnagwa noupunda vococaine ve li 60. 

Mbangula okwa kwatwa eshi vati opolifi moSouth Africa ya vakelwa ko kodjo inai tumbulwa kutya ope na omukainhu tadi koSao Paolo koBrazil a yuka koSouth Africa ashike okwa humbata oingangamifi. 

Opolifi oya hangika nale yemu teelela pokapale. Eshi a heluka okwa fikila moipandeko nopolifi oye mu twala diva koshipangelo oko a twa lwa komafano ox-ray. 

Omafano ox-ray okwa mona vati kutya Mbangula okwa pona oingangamifi yococaine yili moludi leepela, odo da tulwa moushango ovo a pona. Otaku hokololwa Mbangula ali a dimina kutya okuna odjo momafiku 24 June neudo omo a pewa yoo ehandukilo laye. 

Omupopiliko wopolifi Deputy Commissioner Kauna Shikwambi okwa kolekele emange po laMbangula moSouth Africa. 

Odjonghundana imwe yaSouth Africa yoDaily maverick oya lopota eemwedi mbali da pita, opolifi moSouth Africa oya tula moipandeko ovanhu 10 lwaapo ovo ve uya moshilongo omo noingangamifi okudja koilongo imwe, mwa kwatelwa omukainhu Omunamibia. 

-wakudumoauleria@gmail.com