Omukainhu weedula 52 okwa dengwa nomanghava nokutuwa ombele ndele ta kwatwa onghonga komulumenhu weedula 21.
Oshiningwanima osha ningwa Osoondaxa efimbo loufiku komukunda Etilashi koshitukulwa shaHangwena.
Otaku hololwa kutya nakuninga oshihakanwa okwa li a tambulilwa moshipangelo shaNgela ashike paife okwa lekelwa.
Omupopiliko wopolifi moshitukulwa shaHangwena Sergeant Simeon Haufiku okwa hokolola ta ti omufekelwa okwa hanga omukainhu a kofa nokonima, okwa teya po omuvelo wonduda yaye ndele te mu ningile omatilifo.
Opolifi oya hokolola tai ti omufekelwa tete okwaa lombwela nakuninga oshihakanwa kutya ngeenge ina hala okuya naye moixulo ote mu dipaa.
Okudja opo okwe mu monifa oshiponga ndele te mu kwata onghonga.
Omufekelwa okwa kwatwa po nota pangulilwa oshibofa shekwatonghonga.
Opolifi oya hokolola tai ti omufekelwa oha di poushiinda wanakuninga oshihakanwa.
Oshivike sha dja ko koshitukulwa shaMusati okwa lopotwa omukulupe weedula 104 a kwatwa onghonga lwoikando ya yooloka komutekulu waye weedula 32.
Oshiningwanima osha ningwa komukunda Ohongo meumbo lavo.
Omufekelwa okwa holoka momhangu yaOutapi Omaandaxa ashike ina pewa omhito yokulifutila mo modolongo.