Omukainhu weedula 28 okwa kwatwa po konima vati a ningila okaana kaye kokamati kodula imwe omatilifo kutya ote ka dipaa neembele noku ka xwika po.
Oshiningwanima osha ningwa mexuliloshivike efimbo lokomatango.
Opolifi oya hokolola tai ti omufekelwa oo okwa kala shito ha lombwele xe yokaana kutya okaana ote ka dipaa.
Vati omufekelwa Olomakaya efimbo loufiku okwa twalwa okaana keumbo laxe ndele ta faduka po e ka fiya pondje yeumbo.
Omufekelwa ota holoka momhangu nota pangulilwa oshibofa shokuningila okaana kaye omatilifo.
Oshiningwanima shikwao, opolifi moshitukulwa shaShikoto otai konakona oshibofa shokakadona oko vati taka tamanekelwa edipao lokaana kako konima eshi ka pulumuna.
Oshiningwanima osha ningwa mexuliloshivike komukunda Uushinga moshikandjohoololo Onyaanya. Omupopiliko wopolifi moNamibia Omupedu Commissioner Kauna Shikwambi okwa hokolola ta ti olutu lokaana ole lituwa tali liwa nokudedaulwa medu keembwa meumbo lavo.
Nokudja opo oshiwana osha ningila omapulapulo omufekelwa oo kwa li e na eteelelo nokonima okwa kwatwa po. Omufekelwa ota holoka momhangu nena nota pangulilwa oshibofa shedipao.
fhamalwa@nepc.com.ma