Abraham Mwanyekange 

OSHAANGO – Anna Ruben omunamido 41 omukalimo womomukunda Oshaango moshitopolwa shaHangwena moshikandjohoololo Eenhana ota pula ekwafo moshigwana opo shi mu vatele molwonghalo omo e li, ota hokolola kutya okwa li a mono elongo, hano ounona vatatu momafiku 18 Desemba 2025 moshipangelo shaNandjokwe. 

Ta hokolola yo kutya kamwe komounona vaye kakwa li ka wanifa oshiviha osho sha pumbiwa opo va lekelwe mo moshipangelo omo a kala mo paife oule womwedi needjona daye doukadona di li nhatu. 

Ruben ota pula nee kOvasamalia ovanamutimanghenda opo ve mu pe omakwafo opaulumomhumbwe ye a palwife ovana molwaashi fiyo opaife ke shi kutya mOnandjokwe ota di mo naini. 

Nonando ovakwapata vaye otava kambadala nomayambidido ota ti inaa wanenwa natango. Ota tumbula kutya paife oku na ounona omuwoyi nonande yee iha longo onghee oku li monghuwo i na onghambe, “xe yelongo naye iha longo nonde lineekela oku li ngaho mondjila naye a pe nge ekwafo, ame ondi li nawa kolutu nokomwenyo kakele ondi na oumbada kutya ngeenge onda di mo moshipangelo ohandi ka hupa ngahelipi novamwange ava vatatu? Onghee shiwana uda onghuwo yange” Ruben ta tumbula, kwaau ta yandje omavatelo na denge ko 0813162771. 

-abbenghilai@gmail.com