Omulumenhu weedula 30 okwa tambulilwa moshipangelo shaNgela eshi vati a tetwa nomakatana komukainhu womushiinda shaye.
Omulumenhu oku li monghalo idjuu molwaashi okwa monifwa oshiponga komutwe.
Oshiningwanima osha ningwa Osoondaxa komukunda Ondjabalala moshikandjohoololo Endola, moshitukulwa shaHangwena efimbo loufiku.
Omufekelwa oku na eedula 28 nokwa kwatwa po.
Omukulunhu koshikondo shokukonakona oimbuluma moshitukulwa shaHangwena omupedu komufala Melanie Mburuu okwa hokolola ta ti omufekelwa okwa li tave lidenge nomulumenhu ou keendingosho.
Vati oonakulwa ava ova iwa pokati nova li nokukufwa kumwe kovanhu keendingosho ashike olwoodi ola twikila komesho.
Omukainhu ou vati okwa faduka po, ashike nakuninga oshihakanwa okwa landula omukainhu ou fiyo okeumbo laye.
Omufekelwa okwa kufa ekatana nokuteta omulumenhu ou komutwe.
Okwa faduka po a yuka moixwa konima eshi a longa oshimbuluma.
Opolifi oya hokolola tai ti nakutetwa okwe lituwa monduda yaye kovashiinda shaye Omaandaxa e li mekungu lohonde.
Omufekelwa ota holoka momhangu yaShakati nena nota pangululilwa oshibofa shonghendabala yedipao.
Neudo komukunda Okatope koshitukulwa shaHangwena, okwa lopotwa omukainhu weedula 36 a kwatwa po konima eshi a dipaa omulumenhu waye neonga.
Opolifi oya kumaida oshiwana opo shi xulife po okutanguna keendingosho molwaashi omunhu ota dulu okueta oshiponga ngeenge a kolwa.