Omukainhu weedula 24 ota holoka nena momhangu yamengestalata waKongo konima eshi vati a dipaa omukulu waye, omulumenhu weedula 30. 

Oshiningwanima osha ningwa Olomakaya komukunda Oshikuni moshitukulwa shaHangwena meumbo lavo efimbo loufiku. 

Omupopiliko wopolifi koshitukulwa shaHangwena Warrant Andreas Nghiyolwa okwa koleka oshiningwanima eshi. 

Okwa hokolola ta ti omufekelwa okwa dja keendingosho a kolwa, nashi e uya keumbo okwa hanga hanga ovaneumbo aveshe, mwa kwatelwa omulumenhu ou womumwaina va nangala mondunda imwe naina. 

Opolifi oya hokolola tai ti omufekelwa okwa tameka okutuka ina, namumwaina okwa li ta kendabala kumaida omufekelwa a mwene, ashike okwa kala vati ta twikile. 

Ota hokolola kutya okudja opo omufekelwa ova tameka okutanguna nomukulu waye. 

Opolifi oya ti omufekelwa okwa kufa ombele ndele ta tu omukulu waye monhulo noku xulifila meumbo. 

Opolifi oya kumaida oshiwana opo shi xulife po okutanguna ngeenge sha dja keendingosho molwashi omunhu ngeenge a kolwa oha kwatwa komhepo yokulonga oimbuluma. 

fhamalwa@nepc.com.na